კიევში სამართალდამცავებმა საქართველოს მოქალაქე, ე.წ. კანონიერი ქურდი კახაბერ ორაგველიძე დააკავეს, რომელიც კრიმინალურ სამყაროში ცნობილია, როგორც „კახა თბილისკი“. ამის შესახებ ინფორმაციას უკრაინული მედია ქვეყნის ნაციონალური პოლიციის პრესსამსახურზე დაყრდონით ავრცელებს.

საქართველოში ორაგველიძე 1998 წლიდან განზრახ მკვლელობისა და ყაჩაღობის ბრალდებით იძებნება.

„არაერთხელ ნასამართლევმა „კახა თბილისკიმ“ უკანასკნელად სასჯელი რუსეთის ტერიტორიაზე მოიხადა.მან 11 წლიდან 8 წელი ე.წ. კარცერში გაატარა. იგი 2014 წლის იანვარში გაათავისუფლეს, თუმცა სცადა კიევის ტერიტორიაზე ე.წ. გარჩევის მოწყობა უკრაინაში გავლენის სფეროს გადანაწილებისა და კონტროლიორების, ე.წ. „მაყურებლების“ დანიშვნის მიზნით“, - აცხადებენ სამართალდამცავ უწყებაში.

შედეგად, სამართალდამცავებმა ე.წ. კანონიერი ქურდი დააკავეს და დეპორტაცია გაუკეთეს, მას მომავალი 5 წლის განმავლობაში უკრაინის ტერიტორიაზე შესვლა აეკრძალა.

მათივე ცნობით, „კრიმინალური ავტორიტეტი“ გასულ წელს უკრაინის ტერიტორიაზე ანექსირებული ყირიმის გავლით შევიდა. კიევში იგი კრიმინალური სამყაროს „ტრადიციების მცველის“ ფუნქციას ასრულებდა და გახლდათ შუამავალი და „არბიტრი“ კონფლიქტურ სიტუაციებში.

ორაგველიძეს კვლავ დეპორტაცია ელის უკრაინიდან, იგი ქვეყნის ტერიტორიაზე 2019 წლამდე ვეღარ დაბრუნდება.