საქართველოს პროკურატურამ საწყის ეტაპზევე მიმართა აშშ-ს საელჩოს, რათა გამოძიების ფედერალურ ბიუროს ქართული მხარისთვის საგამოძიებო პროცესში დახმარება აღმოეჩინა.

დახმარების აღმოჩენის მიზნით საქართველოში უკვე რამდენიმე დღეა იმყოფება და პროკურატურაში შექმნილ სპეციალურ საგამოძიებო ჯგუფს აქტიურ კონსულტაციას უწევს ამერიკის შეერთებული შტატების გამოძიების ფედერალური ბიუროს (FBI) წარმომადგენელი. აღსანიშნავია, რომ მანამდეც გამოძიების საჭიროებებიდან გამომდინარე აშშ-ს კომპეტენტურ ორგანოებთან თანამშრომლობა ხორციელდებოდა აქტიურად, დისტანციურ რეჟიმში.

„გამოძიების ფედერალურ ბიუროს მომართა საქართველოს მთავარმა პროკურატურამ, საქმეში დახმარების აღმოჩენის თხოვნით. მსგავსი ტიპის საქმეებში ჩვენი გამოცდილების გათვალისწინებით, ჩვენ გადავწყვიტეთ ტექნიკური და საგამოძიებო დახმარების აღმოჩენა პროკურორებისა და გამომძიებლებისათის.

დარწმუნებულნი ვართ, რომ საგამოძიებო ჯგუფი სრულყოფილად იკვლევს ყველა შესაძლო მიმართულებას. მსგავსი ტიპის კომპლექსური დანაშაულებები, როგორიც არის კიბერ-დანაშაული და ატარებენ ტრანსნაციონალურ ხასიათს, გამოსაძიებლად განსაკუთრებით რთულია, მოითხოვს საერთაშორისო თანამშრომლობას სხვადასხვა დონეზე და საჭიროებს დიდ დროს შესაბამისი სამართლებრივი პროცედურების დასრულებისთვის. ვიმედოვნებთ, რომ საქართველოს მთავარი პროკურატურა, უწყვეტი თანამშრომლობის პირობებში მოახდენს პირების იდენტიფიცირებას და მათი ადგილსამყოფელის მიუხედავად წარადგენს მათ მართლმსაჯულების წინაშე.

გამოძიების ფედერალური ბიუროს პოლიტიკის თანახმად, მიმდინარე გამოძებასთან დაკავშირებით კომენტარს არ ვაკეთებთ. ამერიკის შეერთებულ შტატებში დამკვიდრებული პრაქტიკით პირებს, რომლებიც შესაძლოა ფლობდნენ რაიმე ინფორმაციას აღნიშნულ საქმესთან დაკავშირებით, მოვუწოდებთ დაუკავშირდნენ საქართველოს მთავარ პროკურატურას ან სხვა სამართალდამცავ ორგანოებს“, - განაცხადა ქეთრის კენინმა.