"ჩემს დედამთილთან სისხლიანი ხელით მივედი" - მაგდა პაპიძე მკვლელობის ღამეს იხსენებს

სამართალი - 14:00, 31 Mar, 2016

21605

ქმრისა და 5 წლის შვილის მკვლელობაში ბრალდებულმა მაგდა პაპიძემ სასამართლოზე ჩვენება მისცა. დამამძიმებელ გარემოებაში ჩადენილ მკვლელობაში ბრალდებულმა აღნიშნა, სასამართლოზე მისი სიცოცხლე წყდება, ამიტომ ყველა დეტალზე გააკეთებს კომენტარს.

"სისხლის კვალზე, რომელიც იატაკზე იყო მინდა ვთქვა, რომ ჩემს ჩვენებაში მაქვს განმარტებული, როგორ მოხდა სისხლის კვალი იქ: როცა ჩემი მეუღლე და შვილი ვნახე, სისხლიანი ხელით შევედი ოთახში მანქანის გასაღების ასაღებად. ჩემს დედამთილთან დასახმარებლად სისხლიანი ხელით მივედი. მაინტერესებს როგორ ვერ ნახა მთელმა საქართველომ სისხლის კვალი, როცა ჩემს ერთადერთ შვილს და მეუღლეს ტიროდა? ამდენი ხალხი იყო მისული, რატომ ვერ დაინახეს სისხლის კვალი კედელზე? -განაცხადა პაპიძემ.

რაც შეეხება რვეულს, რომელიც პროკურატურამ ნივთმტკიცებად ამოიღო, ბრალდებულმა განმარტა, რომ რვეულში ჩაწერილი ჰქონდა, მეუღლის მითითებით როგორ იყიდა ურო და ლურსმნები.

"გამომძიებლებთან მე ვთქვი, რომ ვაკეთებდი ჩემი ოჯახის ხარჯთაღრიცხვას და თავად ვთხოვე გამომძიებლებს მოეძებნათ ჩემი რვეული, სადაც ჩანაწერებს ვაკეთებდი. ვთხოვე წასულიყვნენ ჩემთან სახლში. ვუთხარი, თუ სად უნდა ენახათ ეს რვეული, სადაც ჩაწერილი მქონდა, როგორ ვიყიდე მეუღლის მითითებით ურო და ლურსმნები. ზომები ვერ დავიმახსოვრე ლურსმნების და ამიტომ ჩავიწერე"- განმარტა ბრალდებულმა.