"სისხლი ნამდვილად ომარს ეკუთვნის" - მაგდა პაპიძის დედის სკანდალური განცხადება

სამართალი - 13:34, 31 Mar, 2016

22808

მაგდა პაპიძის დედა ლია შამუგია "ნიუპოსტს" გამოძიების მიერ პაპიძისა და ომარ ქაფიაშვილის საცხოვრებელ სახლში აღმოჩენილ სისხლის კვალზე ესაუბრა.

შამუგია ირწმუნება, რომ დივანზე სადაც, გამოძიების ინფორმაციით მაგდა პაპიძემ ქმარი მოკლა, სისხლის კვალი აღმოჩენილი არ არის, უვნებელია დივანის სათავსოში მოთავსებული ნივთებიც. შამუგიას თქმით, მკვლელობის ღამეს დივანზე გამომძიებლებიც კი ისხდნენ.

რაც შეეხება ოთახში აღმოჩენილ სისხლის კვალს, მკვლელობაში ბრალდებული ქალის დედა აცხადებს, რომ მის სიძეს მკვლელობამდე თვენახევრის წინ სამსახურის ავტომობილით ავარია მოუვიდა, რა დროსაც ცხვირი დაიზიანა, სისხლი კი ოთახში წასკდა.

"სპეციალური სანათით, ამ სისხლის შემჩნევა გამოძიებას არ გაუჭირდებოდა. სისხლი ნამდვილად ომარს ეკუთვნოდა, თუმცა ის მაშინდელია, როცა ომარს ავარია მოუვიდა და ცხვირი დაიზიანა. სასწრაფოც კი იყო გამოძახებული. ეს ინფორმაცია პროკურატურას აქვს, უწყებამ ღუდუშაურიდან გამოითხოვა კიდეც ომარის პირადი საქმე"- აცხადებს მაგდა პაპიძის დედა.

შეგახსენებთ, თბილისის საქალაქო სასამართლოში, მაგდა პაპიძის სასამართლო პროცესი ამ წუთებში მიმდინარეობს.