სრულიად საქართველოს მუსლიმთა სამმართველოს ყოფილი შეიხი სახელმწიფო უსაფრთხოების სამსახურს ზეწოლაში ადანაშაულებს. ვაგიბ აკპეროვი კონკრეტულ ფაქტზე საუბრობს და აცხადებს, რომ 2013 წელს თანამდებობა მას საკუთარი სურვილით არ დაუტოვებია და ამ გადაწყვეტილების მიღება სუს-ის თანამშრომლებმა აიძულეს.

„ხელმძღვანელობასთან, სადაც შემიყვანეს, ჩანდა რომ მაღალჩინოსნები იყვნენ, მითხრეს, რომ ხვალიდან შეიხი არ ხარ და მეორე თანამშრომელმა მითხრა, მერე რა მიშა წავიდა და ხელისუფლება შეიცვალა, შენ რომ წახვიდე რა იქნებაო. ნუ გეშინია კარგ სამსახურს მოგცემთ, მაგრამ უნდა წახვიდეო. მე თავიდან უარი ვთხვი, შემდეგ კი უკვე მუქარას ჰქონდა ადგილი, პირადი ცხოვრების კადრებით დამემუქრნენ, სისხლის სამართლის საქმე აღუძრავთ იმ შემთხვევისთვის, თუ უარს ვიტყოდი“, - განაცხადა აკპეროვმა.