საქართველოს მთავარმა პროკურორმა საგარეჯოს არჩევნების საქმის გამოძიების შეწყვეტის შესახებ კომენტარი გააკეთა. მისი განცხადებით, აღარ არსებობდა აღარავითარი საფუძველი იმისათვის, რომ გამოძიება გაგრძელებულიყო.

„ამ სისხლის სამართლის საქმეზე ყველა საჭირო საგამოძიებო მოქმედება ჩატარდა, რაც საჭირო იყო საქმეზე სრულყოფილი გამოძიების ჩასატარებლად. ყველა მოწმე, ვისი დაკითხვის აუცილებლობაც არსებობდა, დაიკითხა, ვინაიდან არ გამოვლინდა რაიმე დანაშაულის ნიშნები, ამ საქმეზე გამოძიება შეწყდა. თავდაცვის მინისტრი არ დაკითხულა, ვინაიდან ამის საჭიროება არ არსებობდა“, - განაცხადა მთავარმა პროკურორმა.