გიორგი დგებუაძის ჰოლანდიიდან ექსტრადირებაზე პირველი კომენტარი საქართველოს მთავარმა პროკურორმა, ირაკლი შოთაძემ გააკეთა. შოთაძე მომხდარს საგამოძიებო უწყების ეფექტურ მუშაობას უკავშირებს:

„ექსტრადირების პროცესი საკმაოდ რთულ პროცედურებს მოიცავს, შესაბამისად საქართველოს პროკურატურამ უდიდესი სამუშაო გაწია იმ მიმართულებით, რომ მომხდარიყო გიორგი დგებუაძის საქართველოში ექსტრადირება, ჩვენი მოთხოვნა დასაშვებად იქნა ცნობილი ჰოლანდიის სასამართლოს მიერ და შესაბამისად, მოხდა გიორგი დგებუაძის ექსტრადირება საქართველოში, რომელიც ჩვენივე მოთხოვნით ინტერპოლის წითელი ცირკულარით იძებნებოდა. ამ ეტაპზე მისი ექსტრადირება საქართველოში მოხდა სწორედ სისხლის სამართლის საქმის ფარგლებში, ნავთლუღის საქმის ბრალდების ფარგლებში, შესაბამისად, საერთაშორისო ვალდებულებების გათვალისწინებით, მოხდება მისი საქმის განხილვა მხოლოდ ამ ბრალდების ფარგლებში“, - განაცხადა ირაკლი შოთაძემ.