ამ წუთებში შინაგან საქმეთა სამინისტროს წარმომადგენლები იმყოფებიან „ნიუპოსტის“ მთავარი რედაქტორის, ეკატერინე შინდაგორიძის საცხოვრებელ სახლში, როგორც „ნიუპოსტ“-ს ერთ-ერთმა სამართალდამცავმა განუცხადა, ამ ეტაპზე მიმიდნარეობს სახლის ჩხრეკა, რომელიც ოპერატიული ინფორმაციის საფუძველზე დაიწყო.

„კანონსაწინააღმდეგო აქ არაფერი ხდება, ოპერატიული ინფორმაციის საფუძველზე მიმდინარეობს ჩხრეკა“, - აღნიშნავენ სამართალდამცავები „ნიუპოსტთან“ საუბრისას.

დაუდასტურებელი ინფორმაციით ისინი „ნიუპოსტის“ მთავარი რედაქტორის სახლში ცეცხლსასროლ იარაღს ეძებენ.

ეკატერინე შინდაგორიძე ამ ეტაპზე კომენტარს არ აკეთებს, იგი საგამოძიებო პროცედურების დასრულენის ელოდება. დამატებით დეტალებზე სამართალდამცავები ჩვენთან არ საუბრობენ და ამბობენ, რომ ყველა კიხთხვით შსს-ს საზოგადოებასთან ურთიერთობის სამსახურს მივმართოთ.

„ნიუპოსტი“ შსს-ს საზოგადოებასთან ურთიერთობის სამსახურს დაუკავშირდა, სადაც განუცხადეს, რომ მიმდინარეობს ინფორმაციის მოძიება. შსს-ს ოფიციალურ კომენტარს მიღებისთანავე შემოგთავაზებთ.