ჟურნალისტები მაკა რაზმაძე და ნინო ჯღარკავა პროკურატურაში დაკითხვაზე დაიბარეს. ამ წუთებში ისინი გამომძიებლის კითხვებს პასუხობენ. მათი საგამოძიებო უწყებაში დაბარება პირადი ცხოვრების ამსახველი კადრების გავრცელების საქმეს ეხება.

ჟურნალისტებმა დაკითხვაზე შესვლამდე კომენტარები გააკეთეს. მათი განცხადებით ვიდეო სოციალური ქსელით ვრცელდებოდა და ვარაუდობენ, რომ ერთ-ერთი პირველები იყვნენ, რომლებსაც ეს ვიდეო მიუვიდათ:

„დღეს დამირეკეს და მთხოვეს, რომ გავაკეთო განმარტება იმასთან დაკავშირებით, რომ გუშინ ერთ-ერთი პირველი ვიყავი, ვისაც ჩაუგდეს ერთ-ერთ პოლიტიკოსთან დაკავშირებული უცენზურო ვიდეო. ჯერ პირად მიმოწერაში ჩამიგდეს და ყურადღება რომ არ მივაქციე ჩემს პირად გვერდზე Facebook-ზე“, - განაცხადა მაკა რაზმაძემ.