"ანი თავს არ მოიკლავდა"- 15 წლის გოგონას ახლობლებს თვითმკვლელობის ვერსიის არ სჯერათ

სამართალი - 17:19, 07 Mar, 2016

17309

რუსთავში 2 დღის წინ 15 წლის ანა ხარტონიშვილი მწყემსებმა ე.წ."კუკუშკას" ტერიტორიაზე, რესტორან "ანტრე ბატონოს" მიმდებარედ გარდაცვლილი ნახეს.

წინასწარი ინფორმაციით, გოგონა მაღალი ძაბვის სადენების რკინის კონსტრუქციიდან გადმოხტა.

გამოძიება თვითმკვლელობამდე მიყვანის მუხლით დაიწყო, თუმცა გარდაცვლილის მეზობლები და მეგობრები აცხადებენ, რომ არასრულწლოვანი თავს არ მოიკლავდა.

თვითმკვლელობის ვერსიას არ იზიარებს რუსთავის 18 -ე სკოლის დირექტორს ნატალია ჯავახიშვილიც. მისი თქმით, გოგონა ბოლო დროს მხიარული იყო, პირად ურთიერთობაშიც არ ქონია პრობლემა.

"ძალიან მხიარული, ლაღი და თამამი გოგონა იყო. ბავშვის პიროვნებიდან გამომდინარე არც მე მჯერა თვითმკვლელობის ვერსიის. ანი ძალიან ძლიერი გოგონა იყო"- უთხრა "ნიუპოსტს" სკოლის დიექტორმა.

- შეყვარებული ხომ არ ჰყავდა?

- კი, ის ბიჭი მასზე ასაკით დიდია. მანაც 18-ე საჯარო სკოლა დაამთავრა. როგორც ვიცი ერთმანეთს ხვდებოდნენ. მისი კარის მეზობელია. ძალიან კარგი ურთიერთობა ჰქონდათ. თვითონაც შოკშია.

- რა ვერსია აქვთ გარდაცვლილის ოჯახის წევრებს?

- ყველა ელოდება გამოძიებისა და ექსპერტიზის პასუხებს. შეძრულები ვართ მომხდარის გამო. მის მეგობრებს არ სჯერათ თვითმკვლელობის, რადგან ბოლო პერიოდში ძალიან ბედნიერი და მხიარული იყო.

დავით ჯაბაშვილი

ფოტო: "ინფო რუსთავი"