„ეს კაცი 2-3 დღის წინ „ბიტებით“ მოკლეს, სასამართლომ დაამნაშავეები გაათავისუფლა“

სამართალი - 20:11, 03 Mar, 2016

3001

ჟურნალისტ ნანუკა შორჟოლიანის ინფორმაციით, მიმდინარე კვირას დიღომში დარაჯის მკვლელობაში ბრალდებულები სასამართლომ გირაოს სანაცვლოდ გაათავისუფლა.

"2-3 დღის წინ თბილისში კაცი მოკლეს. ვინაობას არ გავამხელ, იქნებ მის შვილებს არ სურთ. მოკლედ,ეს კაცი დარაჯად მუშაობდა მანქანების სახელოსნოში. იქ ვიღაცას ცემდნენ, ეს გამოესარჩლა და "ბიტებით" შეიარაღებულმა ახალგაზრდებმა ისეთ დღეში ჩააგდეს გადარჩენა ვერ მოხერხდა.

დააკავეს დამნაშავეები და სასამართლომ 8 000 - იანი გირაოთი დარბაზიდან გაათავისუფლა.

თეა წულუკიანის მადლი გფარავდეთ მოსამართლეებო!"- წერს ჟურნალსიტი.

"ნიუპოსტი"გავრცელებული ინფორმაციის გადამოწმებას სასამართლოს პრესსამსახურში შეეცადა, თუმცა მათ ჩვენ სატელეფონო ზარებს არ უპასუხეს.

გამოძიების ინფორმაციით, მიმდინარე წლის 28 თებერვალს, ღამით, თბილისში, ჩაჩავას ქუჩაზე მდებარე ერთ-ერთ ავტოსახელოსნოში, ალკოჰოლის ზემოქმედების ქვეშ მყოფ ბრალდებულებს სიტყვიერი და ფიზიკური დაპირისპირება მოუვიდათ ამავე სახელოსნოს დარაჯთან - 1947 წელს დაბადებულ ზვიად ყ-თან, რომელსაც სახის არეში მრავლობით დაზიანება მიაყენეს. ზვიად ყ. მიყენებული მძიმე დაზიანებებისგან შემთხვევის ადგილზე გარდაიცვალა, ხოლო ბრალდებულები მიიმალნენ.

ლაშა კ. და მინდია მ. მომხდარიდან რამდენიმე საათში თბილისში დააკავეს.