უგულავასთვის გირაოს გაუქმების თაობაზე პასუხი დღეს უნდა გახდეს ცნობილი

სამართალი - 10:53, 23 Feb, 2016

1443

დღეს სასამართლომ თბილისის განვითარების ფონდთან დაკავშირებით გიგი უგულავას საქმეზე დაცვის მხარის შუამდგომლობის შესახებ გადაწყვეტილება უნდა მიიღოს.

დედაქალაქის ყოფილი მერის ადვოკატები ამ საქმეზე შეფარდებული გირაოს გაუქმებას ითხოვენ. 50 ათასი ლარის ოდენობის გირაოს უზრუნველსაყოფად უგულავას უძრავი ქონება- საცხოვრებელი ბინაა ჩადებული. უგულავას უფლებადამცველები აპროტესტებენ პროკურატურის მოთხოვნას, რომ ბინა, რომელიც გირაოსთვის ბანკში ჩაიდო სახელმწიფო საკუთრებაში გადავიდეს. ამ მოთხოვნას ადვოკატები კანონდარღვევად მიიჩნევენ.

"გირაო შეადგენდა 50 ათას ლარს, ამ გირაოს უზრუნველსაყოფად გამოყენებული იქნა ბინა, დღეს დღეობით გიგი უგულავა მოთავსებულია სასჯელაღსრულების დაწესებულებაში და გირაოს შეფარდების პირობა სახეზე არ დგას. პროკურატურაც დაგვეთანხმა, რომ გირაო უნდა იქნეს გაუქმებული, თუმცა პროკურატურა ამბობს, რომ გირაოს უზრუნველსაყოფად გამოყენებული ბინა მიეცეს სახელმწიფო საკუთრებაში, რაც არის აბსოლუტური კანონდარღვევა“- განაცხადა ადვოკატმა ბექა ბასილაიამ.

დღევანდელ პროცესზე პროკურატურის მტკიცებულებების გამოკვლევა გაგრძელდება.